నేను-నా ఫీలింగ్స్...!!!

10-02-2020  

వస్తువు విలువ పోతేనో, 

పాడైపోతేనో తెలుస్తుంది 

మనిషి విలువ కూడా

దూరమైపోతేనో 

చనిపోతేనో తెలుస్తుంది 

-నందు. 

ఒక బంధాన్ని గాని,

ప్రయాణాన్ని గాని, 

ఇద్దరు మొదలుపెట్టినప్పుడు,

ఆ ప్రయాణంలో ఉండాలా వద్ద అనేది 

ఇద్దరు కలిసి ఒక అభిప్రాయానికి రావాలి 

అప్పుడే ప్రయాణమైనా, 

బంధమైనా సాఫీగా ఉంటుంది 

లేదంటే ఏ దారి  లేని ఎడారిలోనో 

గోదారిలోనో కలిసిపోతుంది 

-న💚దు 

08-03-2020

బతికున్నప్పుడు మాటలతో చంపుకుని,

చచ్చాక జ్ఞాపకాలతో బ్రతికేస్తున్నాం

ఇదే నేటి లోకం పోకడ !

మనిషికి ఆర్ధిక ఇబ్బందులున్నా

తట్టుకోవచ్చు కానీ,

మానసిక ఇబ్బందులను 

తట్టుకుని నెగ్గుకురావడం చాలా కష్టం... !!

-న💚దు

బ్రతికున్నప్పుడు ఒకరి మొహం

ఒకరు చూసుకోలేనంతగా బ్రతికి ,

పలకరిస్తే మొహం తిప్పుకుని తిరిగి,

చచ్చాక మాత్రం చివరి చూపులకి 

ఆరాటపడటం ఎందుకు ??

తన ఆత్మ శాంతించదనా ?

లేక నీ అంతరాత్మ సంతృప్తి చెందదనా ??

బ్రతికున్నప్పుడు లేని బంధాలు

చచ్చాక మాత్రం ఎందుకు ??

- న☹️దు

రియాలిటీ చెక్:

1.'కొన్నిసార్లు' మనుషులకంటే
వస్తువులకే విలువివ్వాలి !!
ఎందుకంటే
వర్షంలో నువ్వు తడిస్తే వచ్చే
జలుబుకయ్యే ఖర్చుకంటే
నీ కంపెనీ ఇచ్చిన లాప్టాప్ తడిస్తే
అయ్యే ఖర్చే ఎక్కువ.!!

2. చిన్నప్పుడు తమ పిల్లల్ని
శ్రీ కృషుడి వేషాల్లో చూసి
మురిసిపోతారు.!
అదే పెద్దయ్యాక కృషుడి
వేషాలు వేస్తే
తోలు తీస్తారు..!!

-నందు 

నచ్చని మనిషి, 

నచ్చని వస్తువు,

అంటూ దూరం చేసుకుంటు ఉంటే 

ఏదో ఒకరోజు 

మనకు మనమే నచ్చని పరిస్థితి రావొచ్చు !!

అప్పుడేం చేస్తాం ???

అందుకే కుదిరితే

మనుషులతో కలుపుకుని పోవాలి..!

వస్తువులతో సర్దుకుపోవాలి..!!

-నందు

మనిషి జీవితంలో 
మంచివో చెడ్డవో 

కొన్ని జ్ఞాపకాలుంటాయ్ 

కొన్నిటిని మరువక తప్పదు 

కొన్నింటిని విడువక తప్పదు 

కానీ కొన్నింటితో 
మాత్రం కలిసి బ్రతకక తప్పదు 

 -నందు