Showing posts with label అమ్మ. Show all posts
Showing posts with label అమ్మ. Show all posts

అమ్మలింతే పిచ్చోళ్లు !

అమ్మ:
అమ్మలింతే పిచ్చోళ్లు !
పిల్లలు అల్లరి చేస్తే 
లాగిపెట్టి ఒక్కటిస్తారు
ఏడ్వడం మొదలుపెట్టే లోపే 
దగ్గరకి లాక్కుని లాలిస్తారు.
పిల్లల్ని ప్రేమించటానికి మించిన 
వ్యాపకం మరోకటి ఉండదేమో !!
- 💚దు
01.11.2019.
Sunday, January 19, 2014 - , , , , 1 comments

అమ్మ ముందు చిన్నపిల్లాడినే కదా...!!!

నా చిన్నపుడు నీతో ఎలా ఉన్నానో గుర్తులేదు,
కొంచెం తెలివొచ్చాక ఎక్కువ నానమ్మ
దగ్గరే ఉంటానని మారం చేసే వాడ్ని ...
నాకు తెలుసు నేను బాగా అల్లరి చేసే వాడ్ని,
బాగా మారం చేసే వాడ్ని... 
కోరుకున్నది దక్కే దాక మొండి పట్టు విడిచే వాడ్ని కాదు... 
నా మూలాన ఎన్ని సార్లు బాధ పడ్డావో,
అయిన అన్నింటిని భరించావ్ ...
ఊహ తెలిసినప్పటి నుండి నువ్వెప్పుడు హాస్పిటల్స్ చుట్టే తిరిగెదానివి...  
నాకు తెలివొచ్చె సరికి నువ్వేమో తిరిగిరాని లోకాలకి వెళ్ళిపోయావు ...

ఇపుడేమో అందరంటున్నారు  నేను చిన్నప్పటిలా లేనని 
నువ్వు చనిపోయాక నాలో మొండితనం తగ్గిందని, 
చాలా మార్పోచ్చిందని...   
ఊరెళ్ళి నపుడల్లా  నా గురించి కుశల ప్రశ్నలడుగుతు నిన్నే గుర్తుచేస్తుంటారు...
వారి ముందు నా బాధను బయటపెట్టలేక, 
నీ జ్ఞాపకాలను విడవలేక చాలా సార్లు నాలో నేనే కుమిలిపోతున్నాను...
ఉన్నట్టుండి ఒక్కోసారి ఏడ్చేస్తూన్నాను
ఇంకా చిన్నపిల్లాడిలా ఏంటి అంటూ నా వయసుని గుర్తుచేస్తున్నారు
(ఎంత ఎదిగిన అమ్మ ముందు చిన్నపిల్లాడినే కదా )...

ఒక్కోసారి  అర్ధరాత్రి  మెలకువొచ్చి నువ్వు గుర్తొస్తావ్  
అలా లేచి ఒంటరిగా ఎన్ని సార్లు నాలో నేనే గుక్కపట్టి  ఏడుస్తున్నానో నాకే  తెలియదు... 
ఇంట్లో వాళ్ళు పట్టించుకోరని కాదు
వాళ్ళకి దూరంగా ఉన్నా దగ్గరగా ఉన్నా పెద్దగా తేడా ఎమి లేకుండా ఉంది .
కానీ నువ్వు లేని లోటు మాత్రం తెలుస్తూనే ఉంటుంది... 

అన్ని విషయాలు అందరికి చెప్పలేను కదా 
ఎదైనా చెప్పుకోవాలంటే నువ్వుండవ్,
ఎవరికి చెప్పుకోవాలో అర్థం కాదు.. 
చెప్తే చులకనగా చూస్తారో  లేదా  జాలిపడతారోనని 
నాలోనేనే కుమిలిపోతున్నా ...
అందరు  ఉన్న అనాధలా బ్రతకాల్సివస్తుంది ...

అమ్మ నువ్ లేవు కాని నీ జ్ఞాపకాలు ఎప్పటికి పదిలమే...


"పది సంవత్సరాల మనో వేదనలో  ఇంకా మండుతూ" 

 -నందు 




Sugunamma
                                                      

                                                                  






Sunday, May 12, 2013 - , 1 comments

అమ్మ ప్రేమ




అమ్మని గురించి అమ్మ ప్రేమ గురించి చెప్పటానికి 
ప్రత్యేకంగా ఒక రోజు కావాలా 
అమ్మ తోడుంటే ప్రతి రోజు మధురమేగా 
ప్రతి డే  మదర్స్ డే  నే కదా... !!! 
  
                   -నందు
Saturday, October 06, 2012 - , 5 comments

కల్తీ లేని ప్రేమ...!!




నేస్తం..!!



యుగాలెన్నిమారినా ,

కాలం ఎంత గడిచినా , 

మానవుడి మనుగడ చివరివరకైన  అమ్మ  ప్రేమలో  కల్తి  ఉండదు,

ఉండబోదు అని చెప్పనివారు ఉండరు... 

ఎందుకంటే ప్రేమ గుడ్డిది మూగది చెవిటిది అని ఎన్నెనో చెప్పే మనం అది ఒక 


అమ్మాయి అబ్బాయి విషయంలో మాత్రమే...


అమ్మ ప్రేమలో  కల్తి  ఉండదు మన  మీద కనికరం తప్ప
అమ్మ ప్రేమలో అనుమానం ఉండదు  ఆప్యాయత, అనురాగాలు తప్ప...
అమ్మ ప్రేమలో కోపం ఉండొచ్చు కాని అది తమ  బిడ్దల  బాగు  కొరకు 

మాత్రమే

నీ  గురించిన భాద లేదు భవిష్యత్తు పై బెంగ తప్ప
  
మన అమ్మలో మరొక రూపం ఉంటుంది అది నువ్వు కొంచెం ఆనందం గా 

లేకపోయినా భాద పడుతూనే ఉంటుంది

అది అమ్మ ప్రేమ.....


కాని అమ్మ ప్రేమను అర్థం చేసుకోలేని  చాలా మంది అనహరులు ఇప్పటికి 

ఈ భూప్రపంచం మీద ఉండటం ఇంకా సిగ్గు చేటు...

మిత్రులారా దేవుడు ప్రతి చోట ఉండడు అందుకే ప్రతి చోటా అమ్మను
సృషించాడు...

అమ్మ మనసుని భాదించకండి. ...
                                                                       
                                                             -నందు
Sunday, August 07, 2011 - , 14 comments

అమ్మకో ఉత్తరం



ప్రియమైన అమ్మకి ఎలా ఉన్నావ్ ?
నీకేం భావుంటావ్  ఎందుకంటే నేనున్నాను కదా నీకు...! (అని నేననుకుంటాను కాని, నువ్వే నన్ను కంటికి రెప్పల  చూసుకుంటావని  నేనెప్పుడు అనుకోను )
సృష్టిని సృష్టించిన సృష్టి కర్తవి నీవు 
ప్రపంచానికి ప్రేమను పరిచయం చేసిన ప్రేమ మూర్తివి నీవు 
మా స్వార్థం కోసం నీ జీవితాన్నే త్యాగం చేసిన త్యాగ మూర్తివి నీవు 
నాకు చాలా సార్లు అమ్మ నువ్వంటే నాకు ఇష్టం అని చెప్పాలనిపించింది,
కాని నేను చెప్పేలోపే నీకు నేనంటే ఇంత ఇష్టమో నా మీద నీకెంత ప్రేముందో చూపిస్తావు చూడు ఆ ప్రేమ ముందు నా చిన్ని ప్రేమ బలాదూర్ అనిపిస్తుంది అందుకే నాకెప్పుడు చెప్పాలనిపించదు
నేనే తప్పు చేసినా నన్నే వెనకేసుకోస్తావు  చూడు, ఆ  ప్రేమను చూసి నాలో గర్వం మరింత పెరుగుతుంది..
నా మనసులో ఏముందో నాకే అర్థం కాదు అలాంటిది, నేను ఎపుడైనా ఏదైన  మనసులో అనుకునే లోపే చేసి పెడతావు
డాక్టర్  కంటే ముందుగా నా మౌనాన్ని పసిగాడతావు 
నేను ఎప్పుడైనా నీతో మాట్లాడామని ఫోన్ తీసి నెంబర్ నొక్కుతుంటే నాకన్నా ముందే నువ్వే ఫోన్ చేస్తావు  (నాకు ఇప్పటికి ఆశర్యమే నువ్ నా గుంచి ఆలోచిస్తావని కాని నువ్వు నా కోసమే బ్రతుకుతున్నవని నేను ఇంకా అర్థం  చేసుకోను ఎందుకని ) 
నువ్ గెలుస్తావ్  కన్నా... అని నా నుదిటి మీద ముద్ధాడుతావ్ చూడు 
ఆ ముద్దు నా  గెలుపుకి మూలం అని అనుకోను నేను... 


నీ గురించి ఎంత రాసుకున్న, ఎంత మాట్లాడుకున్న 
నాకు ఎప్పుడు ఒక బాధ ఉంటూనే ఉంది
అదే నీకోసం ఎం  చేయలేదనే బాధ...



ఇలాంటి  ఉత్తరాలు ఇప్పటికి చాలా సార్లు రాసాను కాని 
నీకు పంపించాలనిపించదు 
ఎందుకంటే నా మనసునే చదివేసావు కదా 
ఈ ఉత్తరంలో ఎం రాసానో ఈపాటికే నీకు తెలిసిపోయి ఉంటుందనే....


                                                        -నీ నందు 




ప్రపంచంలోని ప్రతి అమ్మ కి మదర్స్ డే శుభాకాంక్షలు ....!

జాతిని జాగృత పరిచేది...
జగతిని జ్యోతియై వెలిగించేది
 సృష్టికి ప్రతి సృష్టి  చేసేది అమ్మ...!

"తన ప్రాణం ఫణంగా పెట్టి మనకు ప్రాణ ప్రతిష్ట చేస్తుంది
మన కంట్లో నలుసు పడితే మన కంటే ముందు కన్నీరు కార్చుతుంది   
తను క్రోవోత్తిలా కరిగిపోతు మన కోసం  కాంతుల్ని వెదజల్లుతుంది
 తను గంధపు చెక్కలాఅరిగిపోతు  సుగందాల్ని పంచుతుంది 
తను రాలిపోతూ పువ్వులా పరిమళాలు  పంచుతుంది
మన కోసం అన్ని చేయాలని ఆరాట పడుతుంది
ఎన్ని చేసినా ఇంక ఏదో  చేయలేదని చింతిస్తూనే ఉంటుంది."  

కష్టాలను, కన్నీళ్లను  కడుపులో దాచుకుని మనకోసం సర్వస్వం అర్పించేది అమ్మ............!

అలాంటి గొప్ప గుణం కలిగిన అమ్మలకు మనస్పూర్తిగా  నా ఈ చిన్ని కవితను అంకితం చేస్తూ....

" మదర్స్  డే శుభాకాంక్షలు" 

                                                                       -మీ నందు. 





రెండు  సంవత్శరాల  క్రితం కాలేజీ మ్యాగజిన్   కోసం నేను రాసిన ఒక చిన్న  కవిత